La situacion de crisi economica e d’incertituds que vivèm nos deu pas embarrar dins lo tot-solet e los jòcs d’estructuras. Aquesta Universitat de la Vinha e del Vin, en País Corbièras & Menerbés, existís per çò que volèm contunhar a investir sus l’avenir de nòstre territòri rural. Aqueste projècte s’inscriu ongan dins l’estrategia d’un programa novèl europèu Leader per Carcassés, Narbonés, Corbièras, Menerbés, que nos deu ajudar a sortir d’aquesta crisi viticòla. Prene part a discutidas e escotar analisis, aquò es pas escafar los problèmas mas los escartar un moment per prene lo temps de la reflexion. Espèri que contunharem puèi a soscar amassa, pr’amor que lo collectiu es una fòrça essenciala. Es bon, lo vin ? En pausant aquesta question volontàriament polemica, se jòga d’en primièr l’escasença de nos recampar : actors viticòlas, estatjants, elegits a l’entorn de l’avenir del territòri qu’es lo nòstre a totes. Professionals, amators, amoroses de nòstra tèrra e de nostre vin, compti plan de vos i tornar trapar en nombre.

Éric Andrieu, President del Pais Corbièras & Menerbés